mér finnst rigningin góð.........

...................ummmmmmmmmm rok og slagveðursrigning og það sést ekki í himininn fyrir skýjum, það er veðrið mitt. Enda erum við Hrafnkell í feikna stuði þennan morguninn, hann rólar í takt við Cure með brosið fast á andlitinu, svo gaman í rólunni sko! Og hún ég sit við tölvuna, hafi það skeð fyrr.

Í gær voru skólaslit Tónlistarskólans og við gleymdum þeim. Þegar skólaslitin Tónlistarskólans voru hér á Bakkanum í síðustu viku átti Helga að spila og við gleymdum þeim líka! Hún var búin að æfa fyrir það kvöld vikum saman. En svona er þetta þegar allt er að gerast í einu.

Við áttum góða helgi en afkastalitla svo sem. Hún Ragna, þessi elska, kíkti á frænku sína. Var að koma frá Þýskalandi og fékk að kúra í Helgu herbergi yfir helgina og við notuðum dagana í að heimsækja ættingjana sem hún hefur ekki hitt í þónokkuð mörg ár. Og þessi helgi með henni var alveg frábær enda er hún frænka mín alveg yndisleg og synd að hún skuli ekki vera aðeins nær okkur. Svo á mánudaginn keyrðum við hana í flug og keyptum okkur sófa í leiðinni, aldeilis fínan í nýju íbúðina svo að nú getum við hent þessum gamla. Svo var stefnan tekur í Rauðarárstíginn þar sem austfjarðarhöfðinginn beið okkar. Jamm Ástþór Guðnason var mættur til leiks. Og fórum við hring með honum í gær að skoða vistarverur eldriborgara á Selfossi.

En ætli það sé best að fara að gera eitthvað af viti

see u soon afternoon

Lion sleeps tonight

Jæja folks

Hér er ég í allri kassahrúgunni þennan morgun með hausverk, eyrnaverk og hálsbólgu. Það var þá tímasetningin. En svo sem ekki verra að klára pestirnar fyrir sumarið. Hrafnkell er líka kvefaður og kúrum við okkur saman undir sæng sem er ekki leiðinlegt. Það er svo gott að finna tásurnar hans stingast í lærin undir sænginni. Bjössi var að koma úr höfuðborginni og alls ekki tómhentur þessi elska. Hann hefur verið iðinn við að hnýta flugur í vetur og í morgun fór hann í veiðibúðina og keypti veiðigræjur fyrir alla fjölskylduna sína fyrir flugurnar. Og það var ekkert smá sem hann fékk. Þrjár veiðistengur með hjólum, (spes hjól fyrir konuna sína ;) ) og allskyns dótarí. Þannig að það er hægt að fara að veiða á næstunni.

Stelpurnar kláruðu prófin í morgun, það mæddi mikið á Júlíu minni, hún komst ekki í skólann á miðvikudaginn þannig að hún þurfti að taka fjögur próf í morgun sem er slatti fyrir ekki eldra barn. En hún klárar sig á því, er ekki enn komin heim þegar þetta er skrifað.

En það er svosem ekkert nýtt að frétta frekar en fyrri daginn, við Helga erum á leið á Selfoss og svo eru Bjössi og Júlía að fara á kajak í dag. Bekkurinn hennar Júlíu hefur verið rosa duglegur að halda upp á þegar prófum er lokið. Það ræðir ekki um að hún ég fari að gösslast á kajak, vil ekki einu sinni horfa á þau þannig að Björn fer og reddar þessu. Hins vegar förum við Katrín í Töfragarðinn á Stokkseyri á morgun. Það ætlar allur leikskólinn hennar að fara þannig að það verður stuð á okkur stelpunum.

En þangað til næst

Ljón á þurru landi

Hrafnkell Reyr

Hér erum við í hófi hjá bæjarstjóranum. Ekki amalegt. Eins og sjá má er minn maður kátur og hress með alla þessa athygli. Annars er þetta frekar vindasamur dagur í dag. Og við ætlum að taka þennan dag rólegan. Tilraunaeldhús Helgu heppnaðist vel í gærkvöldi. Hún eldaði kjúkling með svaka góðu salati og hrísgrjónum. Mjög fínt hjá henni. Þetta svokallaða "tilraunaeldhús" er skemmtileg hugmynd, markmiðið er að elda eitthvað sem við höfum aldrei prófað áður og skiptumst við á. Röðin er komin að Júlíu að kasta einhverju fram við tækifæri og eru þessi kvöld höfð þegar viðkomandi kokkur er í stuði. En allavega, svosem lítið að frétta, ætli ég reyni ekki að henda einhverju ofaní kassa á eftir.

Þangað til next time

Ljón ennþá í skýjunum yfir rauðri límósín

slætur

Hrafnkell Reyr Björnsson

smá mynd, svona til að sýna hvað ég á sætan strák